ዮሃንስ 8
1 – 4
የሱስ ግና ናብ ደብረ ዘይቲ ኸደ።
ምድሪ ምስ ወግሔ፡ ኣንጊሁ ኸም ብሓድሽ ናብ ቤተ መቕደስ መጸ። ብዘሎ እቲ ህዝቢውን ናብኡ መጸ፡ ተቐሚጡ ኸኣ ይምህሮም ነበረ።
ጸሓፍትን ፈሪሳውያንን ድማ ኣብ ዝሙት እተረኽበት ሰበይቲ ናብኡ ኣምጺኦም፡ ኣብ ማእከል ደው ኣቢሎም፥
መምህር፡ እዛ ሰበይቲ እዚኣ ኽትዝሙ ኸላ ተትሒዛ።
ናይዛ ሰበይቲ ታሪኽ፣ ኣብ ኩሉ ቅዳሕ መጽሓፍ ቅዱሳት ኣይንረኽቦን ኢና፣ ስለዚ ከኣ በታ ቀዳመይቲ ቤት ክርስትያን ናብ ዝሰዓበ ወለዶ ዝተሰጋገረ ድሓር ከኣ ኣብ ጽሑፍ ዝሰፈረ ክኸዉን ይኽእል እዩ።
ታሪኽ መጽሓፍ ቅዱስ እንተርኢና፣ ብዙሓት ሰባት ንቃል ኣምላኽ ክዉስኽሉን ከጉዱሉሉን ይረኣዩ። ኣምላኽ ኩሉ ግዜ ቃሉ ምስ ሓለወ እዩ። ነዚ ዛንታ ከኣ ኣብ መጽሓፍ ቅዱስ ክህሉ ምስ ዘይደሊ፣ ኣብቲ መጽሓፍ ቅዱስ ኣይመሰፈረን ኔሩ።.
ጉይታ የሱስ ኣብ ዝምህረሉ ግዜ፣ እቶም ሰባት ይኾልፍዎ ከም ዝነበሩ ንርኢ። ነቲ ሰብኣይ ከም ዝከላኸልሉ ቃል ኣቲዮም፣ ናጻ ከም ዝሰደድዎ ይስምዕ። ብመሰረት ብሉይ ኪዳን፣ ንክልቴኦም ሰብኣይን ሰበይትን ሒዞሞም ክመጹ እዮም ነይርዎም። እዚ ዝገበርዎ ግን ንጎይታ የሱስ ከኽፍዎ ኢሎም ዝገበርዎ እዩ።
5. ከምዚኣ ዝበለት ከኣ ብዳርባ እምኒ ኽትመውት፡ ሙሴ ብሕጊ ኣዚዙና አሎ፡ ንስኻኸ ብዛዕባኣ እንታይ ትብል፡ በልዎ።
ንቃል ኣምላኽ ብዘይ ግባእ ትርጉም ሂቦም እዮም ኣምጺኦሞ፣ ምኽንያቱ ቃል ኣምላኽ ነታ ሰበይቲ ጥራይ ኣይብልን እዩ።
ሰብኣይ
ምስ ምርዕውቲ ሰበይቲ
ደቂሱ እንተ ተረክበ፡
እቲ ምስታ ሰበይቲ
ዝደቀሰ ሰብኣይን እታ
ሰበይትን ክልቲኦም
ይሙቱ። ነቲ ኽፉእ
ካብ እስራኤል
ኣርሕቆ።
ዘዳግም 22:22
6. መኽሰሲ ምእንቲ ኺረኽቡሉ፡ እዚ ኢሎም ፈተንዎ። የሱስ ከኣ ደኒኑ በጻብዑ ኣብ ምድሪ ጸሐፈ።
ጎይታ የሱስ ብዳርባ እምኒ ክትመዉት ኣለዋ እንትዝብል ኔሩ፣ ንሱ ሓጢኣት ክሓድግ ስልጣን ከም ዘለዎ ኣይምነገሮምን ኔሩ። ብተወሳኺ ከኣ፣ ነቲ ናብ ቤት ፍርዲ ከየቕረብካ፣ ንሰባት ብዳርባ እምኒ ንከይትቀትል ዝእዝዝ ሕጊ ሮማዉያን ምጠሓሰ ኔሩ።
7 – 8
ደጋጊሞም ምስ ሐተትዎ ኸኣ፡ ቅንዕ ኢሉ፡ ካባኻትኩም ሓጢኣት ዜብሉ፡ ንሱ ቕድም እምኒ የውድቐላ፡ በሎም።
ምናልባት ጥቕሲ 7 ኣብ መሬት ጺሒፍዋ ክኸዉን ይኽእል እዩ። ምናልባት ዉን ብዛዕባ ንምሕሳዉ ዝወሃብ መቕጻዕቲ ዝምልከት ጽሑፍ ጽሒፉ ክኸዉን ይኽእል እዩ። ምናብባት ዉን “ዝተማሕረ” ኢሉ ጽሒፉ ክኸዉን ይኽእል።
ጎይታ የሱስ ነቢይ ከም ዝኾነ ፈሊጦም ነበሩ፣ ነብይ ብምዃኑ ከኣ ነቲ ዝገበርዎ ሓጢያት ክነግሮም ከም ዝኽእል ይፈልጡ ኔሮም ክኾኑ ይኽእሉ እዮም። ኣብቲ መሬታ ጸጸኒሑ ይጽሕፍ ኔሩ ይኸዉን፣ ምኽንያቱ ከኣ በብሓደ ይኸዱ እዮም ኔሮም።
ምናልባት ጎይታ ናይ ሓደ ሰብ ሽም ጽሒፉ ክኸዉን ይኽእል እዩ። ምናልባት ዉን ኣብ ጎኒ እቲ ሽም እቲ ሰብ ዝገበሮ ሓቲኣት ጽሒፉ ይኽዉን እሞ እቲ ሰብ ከኣ ይኸይድ ኔሩ ይኸዉን። ብድሕሪኡ ከኣ ናይ ካልእ ሰብ ሽም ይጽሕፍ እሞ፣ ኣብ ጎኑ ከኣ እቲ ሰብ ዝገበሮ ሓጢኣት ጽሒፉ ይኸዉን፣ ብድሕሪኡ ከኣ እቲ ሰብ ይኸይድ። በብሓደ ከኣ ይኸዱ ነበሩ።
ዳዊት 19:12
10 – 11
የሱስ ከኣ ቅንዕ ኢሉ ብዘይ እታ ሰበይቲ ሓደ እኳ ኸም ዜልቦ ምስ ረኣየ፡ ኣቲ ሰበይቲ፡ እቶም ከሰስትኺ ደኣ ኣበይ ኣለዉ፡ ዝፈርደኪዶ የልቦን፡ በላ።
ሓደ ሓደ ናይ ሃይማኖት ጎጅለታት ነዚ ካብ መጽሓፍ ቅዱስ ደምሲሶሞ እዮም፣ እቲ ምኽንያቶም ከኣ ጎይታ የሱስ ነዛ ሰብ ምሕረት ኣብዚሑላ ብምባል እዮም።
12. ሽዑ የሱስ፡ ኣነ ብርሃን ዓለም እየ። እቲ ዚስዕበኒ ብርሃን ህይወት ኪረክብ እምበር፡ ብጸልማት ኣይኪኸይድን እዩ፡ ኢሉ ኸም ብሓድሽ ተዛረቦም።
እቲ ብርሃን ክሳብ ዝዶግሓካድ ዶ ብጣዕሚ ደሚቑካ እዩ? ነቲ ጸልማታካ ደርብዮ!
13. ፈሪሳውያን ከኣ፡ ንስኻ ንርእስኻ ትምስክር አሎኻ፡ ምስክርካ ሓቂ ኣይኰነን፡ በልዎ።
ፍርሃት ኣምላኽ ማለት ኣምላኽ ይዕዘበካ ከም ዘሎ ምፍላጥ እዩ። እዚ ማለት ንኣምላኽ ትፈርሖ ማለት ኣይኮነን። እቶም ፋሪሳዉያን እኹል ምርዳእ ስለ ዘይነበሮም፣ ኣብ ህላወ ኣምላኽ ክኾኑ ከለዉ ኣይፈልጦምን ኔሩ።
እግዚኣብሄር
ኣይርእዮን፣ ኣምላኽ
ያእቆብ
ኣየስተብህሎን እዩ፣
ይብሉ ኣለዉ።
ዳዊት 94:7
14. የሱስ መሊሱ በሎም፡ ኣነ ንርእሰይ እኳ እንተ መስከርኩ፡ ካበይ ከም ዝመጻእኩ ናበይውን ከም ዝኸይድ፡ እፈልጥ እየ እሞ፡ ምስክረይ ሓቂ እዩ። ንስኻትኩም ግና ካበይ ከም ዝመጻእኩ ናበይውን ከም ዝኸይድ፡ ኣይትፈልጡን ኢኹም።
ጎይታ የሱስ፣ “ምሉእ ሓበሬታ ከይረኸብኩም ትፈርዱኒ ኣለኹም” እዩ ዝብሎም ዘሎ።
ከይሰምዔ
ምላሽ ዚህብ ሰብ
ዕሽነትን ነውርን
ይቝጸሮ።
ምሳሌ 18:13
16 – 18
ንስኻትኩም ፍርዲ ስጋ ኢኹም እትፈርዱ ዘሎኹም፡ ኣነስ ንሓደ እኳ ኣይፈርድን እየ።
እቲ
ዚመውት ብኣፍ ክልተ
ምስክር ወይ ሰለስተ
ምስክር ይሙት፡ ብኣፍ
ሓደ ምስክር ኣይሙት።
ዘዳግም 17:6
ንኣምላኽ እፈልጦ ንየሱስ ግን ኣይፈልጦን እዩ ክትብል ኣይከኣልን እዩ።
20. የሱስ ኣብ ቤተ መቕደስ ኣብ ጥቓ ሳጹን ምጽዋት ኰይኑ ኺምህር ከሎ፡ እዚ ቓልዚ ተዛረበ። ግናኸ ጊዜኡ ገና ስለ ዘይበጽሔ፡ ዝሐዞ የልቦን።
ንጎይታ ክኣስርዎ ዝደለይሉ ምኽንያት፣ ፈሪሖሞ ስለ ዝነበሩ እዩ። እቲ ዝነብሮም ነገራት ካብ ኢዶም
ከምዚ
እንተ ሐደግናዮ፡ ኵሉ
ብእኡ ኺኣምን እዩ።
ሮማውያን ድማ መጺኦም
ምድርናን ህዝብናን
ኪወስዱ እዮም፡ በሉ።
ዮሐንስ 11:48
ስለዚ የሱስ ከም ብሓድሽ፥ ኣነ እኸይድ አሎኹ፡ ክትደልዩኒ ኢኹም፡ ብሓጢኣትኩም ከኣ ክትሞቱ ኢኹም። ናብቲ ኣነ ዝኸዶ ንስኻትኩም ክትመጹ ኣይኰነልኩምን እዩ፡ በሎም።
እዚ፣ ሰባት ኣእምሮ ሰባት ምስ ተደናገረ ዘጋጥም ነገር እዩ፣ኣብዚ ግዜ፣ ሰባት ንሓደ ሰብ ከኽፍኡ ኢሎም ባዕሎም ብዝኣለምዎ ሓሳብ ተጠቒሞም ነቲ ሕቶ ዝፈጠረሎም ነገር ክገልጽዎ ይፍትኑ።
23 – 24
ንሱ ኸኣ፡ ንስኻትኩም ካብ ታሕቲ ኢኹም፡ ኣነ ኻብ ላዕሊ እየ። ንስኻትኩም ካብዛ ዓለም እዚኣ ኢኹም፡ ኣነ ኻብዛ ዓለም እዚኣ ኣይኰንኩን።
ኣምላኽ፡
ከኣ ንሙሴ፡ እቲ
ዘሎኹ እየ ዘሎኹ፡
በሎ። በለ ድማ፡
ንደቂ እስራኤል፡ እቲ
ኣሎኹ ናባኻትኩም
ለኣኸኒ፡ በሎም።
ዘጸአት 3:14
ንመንፈስ
ኣምላኽ በዚ ኢኹም
እትፈልጥዎ፡ የሱስ
ክርስቶስ ብስጋ ኸም
ዝመጸ ዚእመን ዘበለ
ዅሉ መንፈስ ካብ
ኣምላኽ እዩ፡
1 ዮሐንስ 4:2 – 3
26 – 27
ብዛዕባኹም ዝዛረቦን ዝፈርዶን ብዙሕ አሎኒ። እቲ ዝለኣኸኒ ግና ብዓል ሓቂ እዩ፡ ካብኡ ዝሰማዕክዎ ንዓለም እነግር አሎኹ፡ በሎም።
ጎይታ የሱስ ብዛዕባ ኣምላኽ ኣብ ይዛረቦም ነበረ። ንሳቶም ግን፣ ብዛዕባ መን ይዛረብ ከም ዝነበረ ኣይፈልጡ ነበሩ።
ንሳቶም፡
ብሰሪ ትሪ ልቦምን
ብሰሪ እቲ ኣባታቶም
ዘሎ ድንቍርናን ኣእምሮኦም
ጸልሚቱ፡ ካብ ህይወት
ኣምላኽ ርሒቖም
ኤፌሶን 4:18
28. ስለዚ የሱስ፡ ንወዲ ሰብ ልዕል ምስ ኣበልኩምዎ፡ ከምቲ ኣቦይ ዝመሃረኒ ኸምኡ ኸም ዝነግር እምበር፡ ኣነ ምዃነይን ካብ ርእሰይ ሓንቲ ኸም ዘይገብርን፡ ሽዑ ኽትፈልጡ ኢኹም።
ድሕሪ መስቀል ጴጥሮስ እንታይ ከም ዝገበሩ ምስ ነገሮም፣ ንሳቶም ከኣ ሕልናኦም ክኸሶም ከሎ ተሰመዖም። ግብሪ
ሃዋርያት 2:37
29. እቲ ዝለኣኸኒ ኸኣ ምሳይ አሎ። ኵሉ ሳዕ ባህ ዜብሎ እገብር እየ እሞ፡ በይነይ ኣይሐድገንን እዩ፡ በሎም።
ናይ መዓልቲ ዕላማና፣ “ሎሚ ንሰማያዊ ኣቦይ ዘሓጉሱ ነገራት ጥራይ እየ ክፍጽም” ዝብል ክኸዉን ኣለዎ።
30 – 31
ንሱ እዚ ምስ ተዛረበ፡ ብዙሓት ብእኡ ኣመኑ።
ብዙሓት ሰባት ንጎይታ የሱስ ከም ዝኣምኑ ይዛረቡ። ጎይታ የሱስ ከኣ “ኣብ ቃለይ እንተ ጸናዕኩም፥ ብሓቂ ደቀ መዛሙርተይ ኢኩም” ይብለና። ንመጽሓፍ ቅዱስ ካብ ሂወትና ምስ እነርሕቖ፣ ብዙሕ ርሑቕ ኣይክንከይድን ኢና።
ሓራ ንክትከዉን እንታይ የድልየካ? ንርእስኻ ሓራ ከተዉጽእ ኣይትኽእልን ኢኻ። ሓቂ ጥራይ እያ ሓራ ተዉጽኣካ። ንርእስኻ ሓቂ ንገራ፣ ከምኡ ምስ እትገብር ከኣ፣ ሓሳባት ሰይጣን ካባኻ ክርሕቕ እዩ።
33. ንሳቶም ከኣ፥ ንሕና ዘርኢ ኣብርሃም ኢና፡ ባሮት ኰይንና ተገዛእናዮ ከቶ የብልናን። ከመይ ኢልካ ኢኻ ሓራ ኽትወጹ ኢኹም እትብለና ዘሎኻ፧ ኢሎም መለሰሉ።
ኣይሁዳዉያን ኣብ ግብጺ፣ ባቢሎን፣ ከምኡ ከኣ ንሮማዉያን ባራዩ ኮይኖም ኔሮም። ብዛዕባ ሽዑ ዝነበርዎ ህይወት ይሓስቡ እኳ እንተ ነበሩ፣ እዚ ግን ዉሉዳት ባራዩ ምዃኖም ኣይተረፎምን።
34. የሱስ መለሰሎም፥ ብሓቂ፡ ብሓቂ እብለኩም አሎኹ፥ ሓጢኣት ዚገብር ዘበለ፡ ንሱ ባርያ ሓጢኣት እዩ።
ጎይታ የሱስ ብዛዕባ እቲ ዝዛረብዎ ዘለዉ ዓይነት ባርነት ኣይኮነን ዝዛረቦም ዝነበረ፣ ሰባት ሓጢኣት ከመይ ጌሩ ቀልጢፉ ንሂወቶም ከም ዝቆጻጸሮን፣ ብድሕሪኡ ከኣ ባራዩ ከም ዝገብሮም ይግረሙ።
እንታይከ
ንበል፧ ትሕቲ ጸጋ
እምበር፡ ትሕቲ ሕጊ
ኻብ ዘይኰንናስ፡ ሓጢኣትዶ
ንግበር፧ ያእ
ኣይፋልናን።
ሮሜ 6:15
35 – 36
ባርያ ኸኣ ኣብ ቤት ንዅሉ ጊዜ ኣይነብርን፡ ውሉድ ግና ንዅሉ ጊዜ ይነብር እዩ።
ሰባት፣ ካብ መንፈሳዊ ባርነት ክገላገሉ እንተደሊና፣ ክሳብ እቲ ዕማምና ዝዉዳእ ምሳታቶም ክንጸንሕ ኣሎ። ሓጻር ጸሎት ጸሊናሎም ጥራይ ኣይኮናን ክንገድፎም ዘሎና። ንብዙሕ ነገራት፣ ንነዊሕ ግዜ ባርያ ኔሮም እዮም፣ ክሳብ ካብቲ ባርነት ምሉእ ብምሉእ ተላቒቖም ሓራ ዝኾኑ ከኣ ምሳታቶም ዝመላለስ ሰብ የድልዮም።
ንስኻትኩም ዘርኢ ኣብርሃም ምዃንኩምሲ እፈልጥ አሎኹ። ቃለይ ኣባኻትኩም ስለ ዘይኣተወ ግና፡ ክትቀትሉኒ ትደልዩ አሎኹም፡
ብዙሕ ግዜ፣ ሰባት ንቃል ኣምላኽ ክሰምዑ ምስ ዘይደልዩ፣ እቲ ምኽንያት ሰይጣናዊ ዝኾነ ናይ ጸማም ዝገብር መንፈስ እዩ። እዚ ንከይሰምዑ ብዙሕ ግዜ ምስ ኣበዩ እዩ ዝፍጸም። ሕጂ ነቲ ኣብ ርእሶም ዝመላለስ ድምጽታት ጥራይ እዮም ክሰምዑ ዝደልዩ። እዚ ናብ ኣምላኽ ክእመኑሉን፣ ነቲ ንሰይጣን ዝሃብዎ ግዝኣታት ሂወቶም ከኣ ንክመልስዎ ክንሕግዞም ኣሎና።
ሓደ ሓደ ሰባት፣ ኣብ ሂወቶም ኩሉ ነገር ፈቲኖም መፍትሒ ዝሰኣኑሉ ኩነታት ከይመጸ፣ ነዚ መግለጺ እዚ ኣይሰማምዕሉን እዮም፣ ምስ ኣምላኽ ትመላልስ እንተኮንካ፣ ኣምላኽ ኩሉ ነገር ከርእየካ እዩ።
39 – 40
ንሳቶም፥ ኣቦናስ ኣብርሃም እዩ፡ ኢሎም መለስሉ። የሱስ ከኣ፥ ውሉድ ኣብርሃም እንተ ትዀኑስ፡ ግብሪ ኣብርሃም ምገበርኩም ኔርኩም።
ጎይታ የሱስ ከምዚ እዩ ዝብል ዘሎ፥ "ሓቀኛ ዉሉድ ኣብራሃም ክቀትለኒ ኣይምደለየን ኔሩ፣ ንስኻትኩም ብዛዕባ ምድራዊ ኣቦኹም ትሓስቡ ኣለኹም። ኣነ ብዛዕባ መንፈሳዊ ዉሉዳት ኣብራሃም እየ ዝዛረብ ዘለኹ”
እምብኣርከ
እቶም ካብ እምነት
ዘበሉ፡ ንሳቶም ደቂ
ኣብርሃም ምዃኖም ፍለጡ።
ገላትያ 3:7
41. ንስኻትኩምሲ ግብሪ ኣቦኹም ደኣ ትገብሩ አሎኹም፡ በሎም። ንሳቶም፥ ንሕናስ ካብ ምንዝርና ኣይተወለድናን። ሓደ ኣቦ አሎና፡ ንሱ ኸኣ ኣምላክ እዩ፡ በልዎ።
ንሳቶም፣ ኣደ ጎይታ የሱስ፣ ማለት ማርያም ሓቲኣ እያ፣ ብከምዚ መንገዲ እዩ ከኣ ክዉለድ ዝከኣለ፣ እዮም ዝብሉ ዘለዉ። እዚ ከኣ ኣብ ከተማ ጎይታ ብምኻድ ብዛዕብኡ ከም ዝሓተቱን፣ ሓሶት ዝኾነ ዛንታታት ከም ዝሰምዑን እዩ ዘርእየካ።
የሱስ በሎም፥ ኣነ ኻብ ኣምላኽ እየ ዝወጻእኩን ዝመጻእኩን እሞ፡ ንሱ ደኣ ልኢኹኒ እዩ እምበር፡ ባዕለይ ኣይመጻእኩን፡ ስለዚ ኣቦኹም ኣምላኽ እንተ ዚኸውንሲ፡ ንኣይ መፍቀርኩምኒ ኔርኩም።
ነቲ ቃል ዕዉር ዲኻ? ኣቦኻ መን ከም ዝኾነ ንክንገረካ ቀሊል እዩ። ብቃል ኣምላኽ ዘይትግደስ እንተኮንካ፣ ቃል ኣምላኽ ከኣ ንዓኻ ትርጉም ዘይህበካ እንተኮይኑ፣ መንፈስካ ብህይወት የለን ማለት እዩ። ካብ ዝደቀስካዮ ተበራበር እሞ፣ ንቃል ኣምላኽ ከኣ ንክትሰምዖ መታን ከኣ ኣኻልቦኻ ሃቦ፣ ምኽንያቱ ከኣ ጎያታ ቃሉ ዘይተምዕ እንተኮንካ፣ ናይ ኣምላኽ ኣይኮንካን እዩ ዝበለ።
ንስኻትኩም ካብቲ ኣቦኹም ድያብሎስ ኢኹም፡ እታ ትምኒት ኣቦኹም ክትገብሩውን ትደልዩ አሎኹም። ንሱ ኻብ መጀመርያ ቐታል ነፍሲ እዩ፡ ሓቂ ኣብኡ ስለ ዜልቦውን ኣብ ሓቂ ኣይጸንዔን። ሐሶት ኪዛረብ ከሎ፡ ካብ ርእሱ እዩ ዚዛረብ። ሓሳዊ እዩ እሞ፡ ንሓሶትውን ኣቦኣ እዩ።
ሓደ ነገር ስለ ዝተመነኻ፣ ርእስኻ ንሰይጣን እንተደኣ ሸይጥካያ፣ ናቱ ዉላድ ኢኻ ትኸዉን። እቲ ዘገርም፣ ሓደ ሓደ ሰባት ኣብ ክንዲ ሓቂ፣ ብዛዕባ ሓሶት ክሓስቡ ይፈትዉ። ሓደ ሓደ ጉጅለታት እቲ ዝበለጸ ሓሶት ብምሕሳዉ ንሰብ ንከተእምን ዝዓለመ ዉድድራት ዘካይዱ ጉጅለታት ኣለዉ። ምሳሌ 4:6
46.ካባኻትኩም'ብሓጢኣትዚረትዓኒኸ'መንአሎ፧ሓቂዝዛረብካብኰንኩኸ፡ስለምንታይደኣዘይትኣምኑኒ፧
እግዚኣብሄርምስ ህዝቡ ነገርኣለዎ፣ ምስ ኣስራኤልድማ ኪካታዕ እዩ እሞ፣ኣቱም ኣኽራን፣ንስኻትኩምውንጽኑዓት መሰረትድሪ፣ነገርእግዚኣብሄርስምዑ።ኣታህዝበይ፣ እንታይገይረካ እየ∶ብምንታይከኣድከምኩኻ∶እስኪ መስክረለይ።ሚክያስ
47. እቲ ኻብ ኣምላኽ ዝዀነ ንቓል ኣምላኽ ይሰምዕ እዩ። ንስኻትኩም ግና ካብ ኣምላኽ ኣይኰንኩምን እሞ፡ ስለዚ ኢኹም ዘይትሰምዑ።
ኣይሁድ ከኣ፥ ሳምራዊ ምዃንካ ጋኔንውን ከም ዘሎካስ፡ ጽቡቕዶ ንብል ኣየሎናን፧ ኢሎም መለስሉ።
ንሰይጣን ኣብ ሂወትና ቦታ ምስ እንህቦ፣ ልብና ከም ዝከፋፈል ይገብሮ። ኣንጻር ገዛእ ርእስናን ኣንጻር ኣምላኽ ከኣ ንከፋፈል።
ዳዊት 86:11
50 – 51
ኣነ ንርእሰይ ክብረት ኣይደልን እየ፡ እቲ ዝደልን ዚፈርድን ግና አሎ።
ዓለም ንሞት እትገልጾ፣ ካብ ሓንጎል ዝብገስ ሓደ ሰብ ምስ ሃለዋቱ ከም ዘሎ ዘርኢ ምልክት ኣብ ሓንቲ ናይ ሆስፒታል ማሽን ምስ ዘይርአ እዩ ብምባል እዩ።
ኣምላኽ፣ ንኣምላኽ ኣብ ሂወትካ ቦታ ምስ ዘይትህቦ፣ ብመንፈስ ከም ዝሞትካ እዩ ዝርእየካ። ኣብዛ ዓለም እትነብሮ ናብራ ርእስኻ ንከተዘናግዕን ንከተሓጉስን እንተኮይኑ ብህይወት የለኻን ማለትዩ። ስጋኻ ህያው እንከሎ መንፈስካ ግን ዝሞተ ክኸዉን ይኽእል እዩ።
52. ኣይሁድ ድማ፥ ጋኔን ከም ዘሎካ፡ ሕጂ ፈለጥና። ኣብርሃም እኳ ሞይቱ ነብያትውን። ንስኻ ግና፥ ቃለይ ዚሕሉ ንዘለኣለም ሞት ኣይጥዕምን እዩ ትብል አሎኻ።
ዎ
እግዚኣብሄር፣
ብሓቅኻ ምእንቲ
ኽመላለስ፣ መገድኻ
ምሀረኒ፣ ስምካ ኽፈርህሲ፣
ንልበይ ኣዳልዎ።
53. ካብቲ ዝሞተ ኣቦና ኣብርሃምዶ ንስኻ ትዓቢ፧ ነብያትውን ሞይቶም። ንርእስኻ መን ትገብራ አሎኻ፧ በልዎ።
ኣብራሃም ኣቡኦም ከም ዝኾነ ዝነበረ እምንቶኦም ቀጸልዎ። ንርእሶም ብጽቡቕ ከቕርብዋ ጸቕጢ ነበሮም። ቅጡዓት ሰባት፣ ነቲ ናተና እዩ ዝብልዎ ንከይከስርዎ ብጣዕሚ ይሰግኡ። ቁጥዐን ንፍርሒ ቀረባ እዩ። እቲ ዘፍርሖም እንታይ ምዃኑ እንተደኣ ፈሊጥካ፣ ሓደ ሓደ ክትሕግዞም ትኽእል ኢኻ። ሓደ ሓደ ሰባት ግን ሓገዝ ኣይደልዩን እዮም፣ በንጻሩ ነቲ ቁጥዐ ከም ዘስክር ወልፊ ይዉለፍዎ።
ኣብዚ ጎይታ ዝብሎ ዘሎ፣ ብርእሰይ ኣነ ጥራይ እንተተመካሕኩ፣ እቲ ዝብሎ ቃል ፍረ ኣይምሃለዎን፣ እቲ ዘኽብረኒ ግን ባዕሉ ኣምላኽ እዩ”
55. ንስኻትኩም ኣይትፈልጥዎን ኢኹም፡ ኣነ ግና እፈልጦ እየ። ኣይፈልጦን እንተ ዝብል ከኣ፡ ከማኻትኩም ሓሳዊ ምዀንኩ ነይረ። ኣነ ግና እፈልጦ፡ ቃሉውን እሕሉ እየ።
እቲ ናይ መጀመርያ ጽሑፍ ከምዚ ይብል፣ “ንኣምላኽ ብቀረባ/ ብተመክሮ ኣይትፈልጥዎን ኢኹም። ንኣምላኽ ክሳብ ተስተማቕርዎ ኣይተመላለስኩምን” ብዙሓት ሰባት ምስቲ ኣብ ላዕሊ ዘሎ ዓርከይ እዩ ወይ ካልእ ከምኡ ዓይነት ዘረባ ይዛረቡ።
ናብራ ምስ ኣምላኽ ከየስተማቕርካዮ ከለኻ፣ ንኣምላኽ ከም ዓርክኻ ክትገልጾን ንርእስኻ ከኣ ብከምዚ ዓይነት ቃላት ክትጥብራ ሰናይ ኣይኮነን። ናብራ ምስ ኣምላኽ ኣምላኽ ኣስተማቒርውዮ ክትብል እንተደኣ ኮንካ፣ ምስ ኣምላኽን ምስ ቃሉን ግዜ ምስትወስድን፣ ህልዉንኡ ምስ ትምኮረሉን ጥራይ እዩ።
56. ኣቦኹም ኣብርሃም መዓልተይ ኪርኢ ተሓጐሰ ፡ ረኣያ እሞ ባህ በሎ፡ ኢሉ መለሰሎም።
እዚ ቃል ብዛዕባ ኣብራሃም ንጎይታ የሱስ ከም መልኬጸዴቅ ምስ ረኣዮ፣ ወይ ከኣ ጎይታ ነድንኳኑ ምስ በጽሖ እዩ።
ኣይሁድ ከእ፡ ገና ሓምሳ ዓመት እኳ ዘይገበርካስ፡ ንኣብርሃምዶ ርኢኻዮ ኢኻ፧ በልዎ።
ሓደ ሓደ ግዜ፣ ኣምላኽ ካብ መንግስተ ሰማያት ወሪዱ፣ ንርእሱ እንከይገለጸ ከም ዘይኣምኑ፣ ይዛረቡ። ኣምላኽ ግና ብመንገዲ እቲ ሰብ ዝኾነ ጎይታ የሱስ ፈጺምዎ እዩ። እቲ ኣብኦም ዘሎ ክፉእ መንፈስ ግና፣ ነቲ ሓቂ ንከይፈልጥዎ ኣእምሮኦም ይዓጽዎ። እዚ ከኣ ልክዕ ከምቲ ኣምላኽ ንሙሴ ኣብታ እትነድድ ቖጥቋጥ ዝተገልጸሉን፣ ሙሴ ከኣ”ንስኻ ኣምላኽ ኢኻ ኢለ ኣይኣምንን፣ ክቀትለካን ንሕልናይ ንከትዛረቦ ዉን ክዓግተካ እየ” ከም ምባል እዩ።
ንሱ
ድማ፥ ንሙሴን
ነብያትን እንተ
ዘይሰምዕዎምሲ፡ ካብ
ምዉታት ሓደ እንተ
ተንስኤውን፡ ከቶ
ኣይኣምኑን እዮም፡
በሎ።
ሉቃስ 16:31
59. ስለዚ ኺድርብዩሉ እምኒ ኣልዐሉ። የሱስ ግና ተሐብኤ ኻብ ቤተ መቕደስውን ብማእከሎም ሐሊፉ ወጸ።, m
የሱስ
ድማ፥ ኣቦይ፡
ዚገብርዎ ኣይፈልጡን
እዮም እሞ፡ በደሎም
ሕደገሎም፡ በለ።
ንኽዳውንቱ ኸኣ ዕጭ
ኣውዲቖም ተማቐልዎ።
ሉቃስ 23:34